Detenado kuman sa Socorro MPS an tuyo ka mananagat human kini nalambigit sa ilegal nga droga. Nadakpan an tuyo sa Sitio Puyange, Brgy. Taruc, Socorro, SDN sa ala 1:40 nan hapon.
Nakilay.an an mga suspek nga sila ni Jerome Tesado Adlao, 22 anyos, may live in partner, residente sa Purok 1, Brgy. Rizal, Socorro, SDN.
Dennis Muñez Barcos, 22 anyos, ulitawo, residente sa Purok 3, Barangay Capalayan, Surigao City; Marjun Eder Pegares, 22 anyos, ulitawo, residente sa Purok 3, Barangay Nabago, Surigao City.
Basi sa imbestigasyon ni PMSgt. Jundie Jualo an mga personahe sa Socorro MPS nagpahigayon ug mobile patrolling sa nahisgutang lugar nga miresulta sa pagkasikop sa mga nasangpit nga mga suspek human nasakpan sa akto nga nag pot session nan shabu.
Nakompiskar sa posisyon sa mga suspek an tuyo ka heat sealed transparent plastic sachet sa suspected shabu nga gibana-bana motimbang sa kapin kon kuyang 0.9 gram sa kantidad P6, 120.00 ka pesos; duha ka sachet nga jaoy residue sa gituohang shabu; duha ka lighter; gigamit ug giputol nga aluminum foil sa lainlaing mga piraso; kwarta sa kantidad P225.00 sa nagka laing-lain nga denominasyon.
An dinakpan nga mga suspek ug mga butang nga nakumpiska jaon kuman sa kustodiya sa Socorro MPS alang sa tukmang disposisyon.
Kasong paglapas sa Art. II, Sec. 11 possession of illegal drugs ug Sec. 12 illegal possession of illegal drug paraphernalia sa RA No. 9165 an giandam na alang sa pagpasaka sa korte batok sa nahisgutang mga suspek. (Mark James Lisondra)