Nabawian sa kinabuhi an 27 anyos nga layaki human kini nakit.an nga nag lutaw-lutaw sa isa ka suba nga nahitabo jadton milabay’ng adlaw sa Purok 4, Brgy. Daywan, Claver, SDN.
Nakilay.an an biktima nga si Jonriel Gonzaga Dumagsa, residence sa Purok 4, Sitio Sinay, Sibagat, Agusan del Sur.
Basi sa initial nga report sa Claver Central Fire Station nga gipangulohan ni SFO3 Neil Sajulga nga sija nakadawat nan tawag gikan ni Kapitan Rene Jay Beling ug nagpahibayo nga may nalumos nga layaki sa nahisgutang lugar.
Human nadawat an report nagpahigayon nan rescue retrieval operation pinaagi sa tabang sa BFP, MDRRMO, PCG, Brgy. Officials, Bantay Dagat ug Volunteers ug na rescue an biktima pagka alas 3:33 na sa hapon.
Tagdaya pa an biktima sa duol nga tambayanan apan gideklara kini nga dead on arrival pinaagi sa attending physician.
Sa pagka kuman padajun pa an imbestigasyon kung unoy hinungdan sa nalumos patay nga biktima. (Mark James Lisondra)