Cebu: Bata nalumos sa sapa

0
9
(Photo credits to the owner)

Usa ka 4 anyos nga bata ang nalumos sa sapa sa Sitio Tal-ot, Barangay Inayawan, dakbayan sa Sugbo, kagahapon sa ala 1 ang takna sa hapon, adlawng Domingo Hunyo 30, 2024.

Nadawat sa mga kapolisan ang report sa maong insedente, kaganihang alas 7 sa buntag, karong adlawng Lunes, Hulyo 1, diin ang inahan ug apohan sa biktima niduol sa buhatan sa Inayawan Police Station aron ipahibaw ang nahitabo.

Sa imbistigasyon sa mga kapulisan, Gitug-an sa inahan Tordios nga posibleng slide ang bata ug nahulog sa sapa.
Dugang pa sa inahan nga nakabantay siya nga miadto sa sapa ang iyang anak, apan wala niya matagad, tungod kay busy usab kini sa pag-atiman sa laing duha ka mga manghod sa biktima.

Si Police Corporal Jaymos Tordios, ang imbestigador sa Inayawan Police Station, niingon nga aksidente lang ang nahitabo.

Gisuwayan pa unta sa pagdala sa tambalanan ang maong biktima apan gideklarar sa mga doktor nga wala nay kinabuhi ang maong bata. (Ting Joe Pepito | Renante Socia Lada)

Leave a Reply