Aksidenting nasagiran sa motorsiklo an isa ka 24 anyos na babaje sa dihang mitabok ini sa dayan sa may Purok 11, Brgy. San Juan, syudad nan Surigao.
Nahitabo an insidente kagahapong adlawa Agosto 22, 2024 sa alas 7:10 an takna sa buntag na giila an pedestrian nga si Ritchel Doydora Bughao, 24 anyos na babaje, residente sa nahisgutang lugar.
Hampan an nagmaneho sa motorsiklo na yamaha soul 125 an giila nga si Cyralie Barbosa Maglipac, 25 anyos na babaje na may angkas sa 10 anyos na bata na babaje, residente sa Purok 3, Sitio Gayas, Brgy. Sabang.
Basi sa imbestigasyon nasayran nga an motorsiklo nag jagan subay sa Purok 11, Brgy. San Juan pasingod sa City proper. Pag-abot sa luagr kung diin nahitabo an insidente, aksidenteng nasagiran sa driver an babaje nga mitabok sa dayan.
Tungod sa panghitabo natumba an motorsiklo ug nahagba sa sementadong dayan. An pedestrian, driver ug 10 anyos na bata nakaangkon ug samad ug gi-refer sa Surigao City Health Office alang sa medical check up.
Hinuon human sa insidente an duha ka partido nag sabot aron husayon an maong insidente sa marajaw na pamaagi. (Mark James Lisondra)