Isip pag selebrar sa katapusang semana sa 2024 Environment Month sa tema nga “Our Environment, Our Future” an MGB Region Office no. 13 sa pagpanguna ni Engr. Larry Heradez nagpahigayon nan Culmination Program sa Philippine Gateway Hotel siyudad nan Surigao kagahapong adlawa.
Gitambongan kini sa mga Mining Company gikan sa Agusan del Norte, Agusan del Sur, Surigao del Sur, Surigao del Norte ug Province of Dinagat Islands.
Sa welcome message ni Chief, Mine Management Division, Engr. Verlin Marie M. Baldapan nga sija nagpasalamat sa mga mining company nga misalmot sa maong programa agig pag suporta sa 2024 Environment Month.
Sa pakighinabi kay Chief, Mines Safety, Environment and Social Development Division Engr. Francis Glenn N. Suante nagkanayon nga an tumong sa culmination program sa mga mining company amo an pag tabang sa kinaiyahan nga mabalik sa normal an mga bukid pinaagi sa pag tanom nan mga klase-klase nga mga kahoy ug pag segregate nan mga basura sa ilang tagsa-tagsa ka mga tugkaran.
Nagpahigayon isab nan contest atol sa maong programa sama sa On the Spot Photography and Environmental Message Competition sanan Sayawitan Competition.
An mga midaog sa On the Spot Photography and Environmental Message Competition amo an
1st Place – THPAL Nickel Corporation
2nd Place – Carrascal Nickel Corporation
3rd Place – Cagdianao Mining Corporation
Hampan sa Sayawitan Competition amo an
1st Place – THPAL Nickel Corporation
nd Place – Platinum Group Metals Corporation
3rd Place – 4D Ventures and Development Inc.
An Environmental Month isa ka buyan nga selebrasyon nagtumong sa pagpataas sa kahibayo, pag-edukar, ug pagpalihok sa mga tawo sa tibuok kalibutan sa mga kritikal nga isyu sa kinaiyahan. (Mark James Lisondra)