Nalibot na an intero 54 ka barangay sa programa sa administrasyon ni Mayor Paul Dumlao na People’s Day Year 2.
Kagahapong adlawa an katapusang barangay na gibisita amo an Brgy. Taft sa pagpanguna ni Kapitan Mario Gesta kaiban an mga brgy ug Sk Officials na gipahigayon sa Taft National High School Gym.
Niabot sa 2, 833 ka baranggayanon sa Brgy. Taft an nahatagan nan libreng serbisyo sa maong programa sama sa City Health Office jaoy 245 ka mga indibidwal an nakapa medical check up sanan nahatagan nan tambay, 75 ka dental check up 60 an naibtan nan ngipon.
280 ka eyeglasses isab an tag hatagan nan Surigao Optometric Society nga nag edad nan 40 pataas ug iban pang mga libreng serbisyo.
Nagpasalamat si Kapitan Mario Gesta sa administrasyon ni Mayor Paul Dumlao sa mga libreng serbisyo sa Brgy. Taft.
Mapasalamaton isab si Mayor Paul Dumlao ngadto na sa mga membro sa Sangguniang Panlungsod sa pagpanguna ni Vice Mayor Alfonso Casurra, mga Department Heads, mga Brgy. Officials sa 54 ka barangays hilabi na sa mga batang Surigaonon nga misuporta sa maong programa.
Mitambong isab sila ni Councilor Karl Duane Casurra, City Councilor Noel Christian Catre Jr., City Councilor Baltazar Abian, City Councilor Joenil Aldonza, Sangguniang Kabataan Federated President Jenelyn Edulzura, City Administrator Atty. Cristina Pariñas, City Legal Officer Atty. Lex Joshua Andrew Silvosa, sanan City Budget Officer Atty. Jeffrey Galido. (Mark James Lisondra)