Niabot sa 1,698 ka mga pamilya sa 54 ka mga Brgy. gikan sa mainland ug island Brgy. ang nagpakadawat nan Assistance to Individuals in Crisis Situation sa kantidad P3,000 pesos gikan sa pundo ni Sen. Imee Marcos.
Ini na pundo tag download para sa City Government pinaagi ni City Mayor Pablo Yves “Paul” Dumlao kaiban si Governor Robert Lyndon S. Barbers sanan Congressman Robert Ace S. Barbers.
Ini na paningkamot naglakip isab sa koordinasyon sa Department of Social Welfare and Development (DSWD) Surigao del Norte ug gialagad ngadto na sa City Social Welfare and Development Office (CSWDO).
Sa mensahe ni City Mayor Pablo Yves L. Dumlao II nga matud pa nga dako ang ija pagpasalamat ngadto kang Senador Imee Marcos sa ija dakong papel sa pagsiguro sa mga pundo para makabenepisyo ang mga lumulupyo sa dakbayan sa Surigao.
Nag hatag isab ug mensahe si Ms. Cheryl May Y. Orquina isip representante ni Sen. Imee Marcos.
Nagpasalamat isab si Nenita Rita taga Brgy. Sukailang nga nagpalujo sa maong programa kalabot sa pag apod-apod nan hinabang ngadto kanila.
Nitambong isab sila ni Gov. Robert Lyndon S. Barbers, Vice Mayor Alfonso S. Casurra, Kapitan Christopher T. Bonite Kapitan sa Brgy. Washigton, Ms. Cheryl May Y. Orquina Representante ni Sen. Imee Marcos, CMO-Barangay Affairs Office Head Ariel Benolirao, DSWD Caraga Regional Director Mari Flor A. Dollaga girepresentahan ni DSWD Staff Jennifer Jade Camasurra, Asst. CSWDO Mark Caven C. Salar, CSWDO Staff, Maritime Police, ug BFP Personnel.
(Ronda 21 Mark James Lisondra, photo credits to the owner)
