An pag release gipahigayon kagahapong adlawa sa Dinakpan Gym sa lungsod nan Del Carmen pinaagi ni 1st District Congressman Francisco Jose “Bingo” Matugas II.
Ini na cash assistance gipaningkamutan ni Congressman Bingo Matugas para mahatagan an kada isa ka benepisayaryo sama sa senior citizen, ug iban pang kabos nga mga indibidwal.
An pundo gikan ni House Speaker Martin Romualdez ug Tingog Partylist pinaagi ni Congresswoman Yedda Romualdez iban sa koordinasyon sa DSWD Caraga Region 13 nga diin jaon sa 1, 198 ka mga indibidwal an nagpakadawat sa kantidad P3, 000.
Si kanhi Mayor Proserfina “Baby” Matugas-Coro maoy ni hulip human nahimong guest speaker si Mayor Alfredo M. Coro II sa Greece. Nagpasalamat si kanhi Mayor Proserfina “Baby” Matugas-Coro sa AICS nga programa ni Congressman Bingo Matugas nga nakadawat nan P3, 000 an mga katawhan sa Del Carmen.
Sa mensahe ni Congressman Bingo Matugas nga sumaya pa molungtad an cash assistance nga gigahin hangtod 2025 human jaon nay budget para sunod tuig para sa tibuok sa isla sa Siargao.
Gibutyag isab sa Congressman nga gamiton an cash assistance nga nadawat para sa panginahanglanon pang adlaw-adlaw.
Nagapasalamat isab si Rita Salgado isa sa mga benepisyaryo nga nakadawat nan P3, 00 pesos.
Mitambong sa release si Board Member Constantino “Bully” Navarro, Board Member Julecs Sunico, kanhi Board Member Sim Castrence, SB Member Veronico “Vic-Vic” Solloso sa General Luna ug SB Member Aikien Andanar. (Mark James Lisondra)