Dako an kalipay sa mga katawhan sa Brgy. Poctoy hilabi na si Brgy. Kapitan Josephine Patan human nahidangat an People’s Day Year 2 nga programa ni Mayor Pablo Yves L. Dumlao II kagahapong adlawa.
Sa kinatibuk.ang 1, 096 ka mga indibidwal sama sa Senior Citizen ug mga estudyante sa Brgy. Poctoy an nakapahimuyos nan libre nga medical and dental check up, libre nga mga binhi, pag hatag nan mga medisina ug iban pa.
Sa mensahe ni Kapitan Josephine Patan nagkanayon nga dako an ija kalipay ug nagpasalamat tungod kay jaon unta sila pagahimuon nga medical check up atol sa ilang ika 64 nga adlaw nan Brgy. Poctoy apan na tungnan nga nahidangat isab an People’s Day ni Mayor Dumlao.
Human sa mubo nga programa nag turn over nan mga completed projects sa Brgy. Poctoy. Nag hatag isab si Mayor nan lima (5) ka kilo nga bugas mga canned goods.
Personal ug nagpakita isab nan suporta sila ni Councilor Noel Christian Catre, Councilor Karl Duane Casurra, Councilor Batang Abian ug Kapitan Christopher “Boyet” Bonite. (Mark James Lisondra)