Surigao City – Ang Livelihood Training and Productivity Center nagpahigayon ng Commencement Exercises, kahapon, Marso 1, 2024.
101 ka studyante ang nakahuman sa lain lain na kurso sama sa Electrical Installation and Maintenance NC II, Driving NC II, Shielded Metal Arc Welding NC II, Dressmaking NC II, Technical Drafting NC II, Basic Computer Education, Masonry, ug Carpentry.
Nanguna sa graduation ceremonies si LTPC Center Head Roselyn Merlin kaiban si TESDA SDN Provincial Director Catalina O. Tacubao, sanan si Public Employment and Skills Development Officer Arciazel Lagrama.
Naghatag sab nan ija mensahe si City Councilor Karl Duane Casurra sa mga ni gradwar, sanan nagpahibayo na permi andam muhatag nan mga programa ang City Government of Surigao sa pagpanguna ni City Mayor Paul Dumlao na makatabang sa mga graduates nan LTPC.
Ang mga lain lain na kurso sa LTPC, andam na mutabang para maghatag nan dugang o bag-o na skills para makahanap nan trabaho sanan makab-ot ang mga pangandoy nan mga Batang Surigaonon. (Ronda 21 Mark James Lisondra, photo courtesy of Surigao City PIO)