Personal na giturn-over nan Department of Agriculture-Surigao del Norte gipangunahan ni Engr. Ricardo M. Oñate, Jr. na girepresentahan nila ni Mr. Marco Antonio Morido, Engr. Renante R. Abado ug Mr. Francis Louie Parina sa City Government of Surigao an isa ka unit na Tractor na nagkantidad 1.9M na gidawat mismo ni Mayor Pablo Yves L. Dumlao II sanan ni Ms. Amelita N. Dela Cerna an Officer In-charge nan City Agriculture Office.
Sa mensahe ni Ms. Dela Cerna gipadayag nija na an traktor dako karajaw an mahimo na tabang na sa mga farmers sa panahon sa pagtanom.
Taghisgot sab ni Mayor Paul Dumlao an ija mga plano na pagahimuon pinaagi sa City Agriculture Office pareho nan pagpananom nan mga buyak, gulay sanan prutas na makahatag nan dugang atraksyon para madugang sa mga tourist spots nan syudad.
(Source: Surigao City PIO Facebook page)