Mikabat sa kapin kon kulang ₱ 400,000 an damage sa nahitabong sunog sa isa ka 2-storey house kagaina sa may Nueva kanto Navarro streets, Brgy. Taft, Surigao City.
An bayay tagpanag-idja ni TOM S. GUILLERMO, 34 anyos, menyo, residente sa nahisgutang lugar.
Sa imbestigasyon ni SFO1 JOED S. ODVINA, ang Chief sa Investigation and Intelligence Unit sa Bureau of Fire Protection, nasayran nga nagsugod an sunog sa may alas 11:00 an takna sa buntag kagahapon.
An bayay gama sa mixed materials diin tagtuohan nga nagsugod an sunog sa gi-abandona na kwarto sa second floor. Halos 80% an damage samtang sa first floor an partially damage nga jaon sa 50%.
Gideklarang fire out sa BFP mga alas 11:36 an takna sa buntag sanan wayay kinabuhi an nadangin sa insidente. Nagpadajun pa ang imbestigasyon sa BFP kon unoy hinungdan sa sunog. (Mark James Lisondra, Ronda 21 RPN DXKS Surigao)
(Photos courtesy by City BFB, SF01 Joed Odvina)
