Sunog Sa Isa Ka Bayay Sa Acean Heights Kapin Kon Kulang ₱300,000 Ang Damyos

0
91

Mikabat sa kapin kon kulang ₱ 300,000 ang damyos sa nahitabong sunog sa isa ka bayay nga kagabii sa may Acean Heights Subdivision, Brgy. Bonifacio, Surigao City.

Ang maong bayay gipanag-iyahan ni Zaldi Bagaipo, 60 anyos, retired employee sa SMWD, residente sa nahisgutang lugar.

Sa imbestigasyon ni FO1 GREGIE ARCULAR ang duty fire investigator sanan ni SFO1 JOED S. ODVINA ang chief sa investigation and intelligence unit sa Surigao City Bureau of Fire Protection nasayran nga nagsugod ang maong sunog sa may alas 11:50 ang takna sa gabii.

An bayay gama sa concrete materials diin tagtuohan na nagsugod ang sunog sa may kwarto nga ang hinungdan electrical short circuit tungod didto miagi ang uyan. Gideklarang fire out sa alas 12:29 ang takna sa kaadlawon sanan wayay kinabuhi nga nadangin sa maong insidente.
(Mark James Lisondra, Ronda 21 RPN DXKS Surigao)

Leave a Reply