Sunog sa Boracay sumiklab

Sumiklab ang sunog sa station one sa isla ng Boracay, kagabi.

Nagsimula ang sunog pasado ala 7:00 kagabi kung saan hindi bababa sa sampung kabahayan ang naapektuhan.

Ayon sa pambansang pulisya, karamihan sa mga residente sa lugar ay pawang mga trabahador sa iba’t ibang resort.

Mag-a-alas 9:00 na ng gabi nang idineklarang fireout ang sunog.

Samantala, iniimbestigahan pa ng mga otoridad ang sanhi ng naturang sunog.