Nagyaman ni Gob. Matthew Marcos Manotoc iti suporta nga ipapaay dagiti pribado a kompania iti administrasyonna.
Daytoy ket kalpasan a nangidonar ti Phil. Long Distance Telephone Company ti “Home wifi Prepaid” para kadagiti sangapulo nga iskolar ti gobierno probinsial.
Imbatad ti gobernador a nakadakdakel daytoy a suporta iti programana iti benneg ti edukasyon nangnangruna kadagitoy a gundaway a saan a maipalubos ti “face to face” a Sistema iti panagadal dagiti estudiante.
Mainaig iti daytoy, inpakaamo ni Dr. Dany Daquioag cobsultant ti provincial education office a dagiti nabenpisiaran ket agpapada nga agad-adal iti kolehio malaksid laeng iti maysa nga estudiante ti senior high school.
Innayonna a kaadoan kadagiti adda iti kolehio ti agad-adal iti Mariano Marcos State University.
(Irene Ringor, RPN DZRL Batac Correspondent)
(Source: Provincial Government of Ilocos Norte)