Unom na ka higayon gipatawag ni City Councilor Jeng Gacal ang labawng opisyal sa PCSO Gensan apan wala gayud kini mitambong sa maong imbitasyon alang sa committee consultation kabahin sa small town lottery. Matud pa ni Gacal nga daghan ang nasupak sa maong stl operation, una, kabahin sa wala pagsuot ug unipormi sa mga tigpataya kon teller sa stl, gawas pa niini mao ang wala pagdeklara sa saktong sales ug share sa LGU Gensan. Unang giaprobahan ang concurence sa SP ug LGU sa mga stl outlets tungod sa pasalig nga mohatag sila sa share subay sa balaud. Apan hangtud karon wala natuman matud pa ni kagawad Gacal. Tungod niini nagplano ang konsehal nga dili na ipa renew ang maong concurence sa SP ug ipasirado na lamang kon ipaundang ang operasyon sa STL. Samtang susamang isyu sa South Cotabato nga gipaundang usab ang STL tungod walay klarong ihap sa mga outlets ug share sa LGU