Subo nakong gikundena, uban ang katawhan ug ang tibuok Provincial Government sa Dinagat Islands, ang karumal-dumal nga pagpatay kang Anna Rose Dogmoc Flores, 15 anyos, nga taga-Puerto Princesa, Munisipyo sa Basilisa.
Gimanduan ko ang Philippine National Police sa hinanaling imbestigasyon, pagdakop, ug pagpahamtang sa mga sad-an niini. Wala’y luna sa atong probinsya ug sa atong katilingban ang mga yawan-on nga binuhatan. Kadtong mga nakahimo niining mga mapintas nga krimen kinahanglan mapahukman sa silot sa labing bug-os nga sukod sa balaod.
Gihangyo nako ang mga nakasaksi sa panghitabo sa pagduol ug pagkooperar sa mga awtoridad aron matagaan og kasulbaran ang kaso.
Ang among huna-huna ug pag-ampo kanunay nga anaa sa pamilya ug mga minahal ni Anna Rose niining panahon.
Naghiusa ang Provincial Government ug ang katawhan sa panawagan alang sa hustisya para kang Anna Rose. Atong himuon ang tanan para ang Dinagat Islands mamahimong luwas nga lugar alang sa atong kabatan-onan, ilabi na sa kababayen-an.