Buo ang suporta na ibinigay ng pamahalaang lungsod ng Iriga sa pamumuno ni Mayor Madelaine Yorobe Alfelor sa programa ng DepEd Iriga na “Share a Star for a New Hope” kung saan personal na dinaluhan ni Dr. Nenet Beriña, CHRMO Head ng lungsod ang nasabing programa.
Ang “Share a Star for a New Hope” ay isang outreach program ng SDO Iriga City na may layuning makalikom ng pondo sa pamamagitan ng cash, food items, clothing, personal hygiene kits at iba’t-iba pang mga kagamitan galing sa mga kawani ng DepEd at mga stakeholders.
500 empleyado at mga guro ang kusang loob na nag-share a star na nagkaka-halaga ng ₱ 1,000 sa Red Star, ₱ 500 sa Green Star at ₱ 200 naman para sa yellow star.
Lahat ng naipon sa programang ito ay mapupunta sa mga iba’t-ibang beneficiaries sa Albay, Tabaco City, Catanduanes at lungsod ng Iriga.
(Source: DepEd Iriga | LGU Iriga)