Sinimulan nang ipatupad ng Department of Agriculture ang suggested retail prices sa bigas sa Metro Manila at greater Manila area o ilang bahagi ng Cavite, Laguna, Batangas at Rizal.
Ayon kay Agriculture Secretary Manny Piñol, nakapako na lamang sa hindi hihigit sa 39 pesos ang kada kilo ng imported well-milled rice; hanggang 43 pesos ang kada kilo ang imported premium 1; regular milled rice, 39 pesos; local well milled, 44 pesos; imported premium grade 2, na 40 pesos at local premium grade, 47 pesos kada kilo.
Mayroon na ring standardized rice labels at maaari na lamang tawaging regular-milled, well-milled, premium at special ang mga bigas mula sa mga dating pangalang gaya ng Sinandomeng at Super Angelica.