28.9 C
Manila
Friday, April 19, 2024

SPUS New Gym Jaoy Misa Aguinaldo Sugod Sa Disyembre 16, 2020 Alas 4:30 Sa Kaadlawon

- Advertisement -
Gibutyag ni Rev. Father Carlito “Fr. Toto” Tiu kuman buntag sa Radyo Ronda Balita na misugot si Sister Marie Rosanne Mallillin, Presidente sa St. Paul University Surigao na ilang ipagamit an SPUS Gym para sa Misa Aguinaldo sugod kuman Disyembre 16, 2020 sa may alas 4:30 sa kaadlawon.
Gumikan sa health protocol, an 2,000 capacity sa gym 50% lamang pwede makasuyod or usa ka libo ka mga debotos.
Sa San Nicolas de Tolentino Cathedral, an simbang gabi magsugod sa alas 6 nan duyom sa Disyembre 15 sanan sundan sa alas 8 nan duyom. An Cathedral na may 800 seating capacity apan tungod sa gipatuman na physical distancing, 400 ra an tugtan kada misa.
Sa Misa de Gallo o Misa Aguinaldo magsugod sa Disyembre 16, 2020 alas 4:30 sa kaadlawon sanan alas 6 sa buntag.
Amo ra gihapon na procedure an sundon sa mga debotos na mokuha nan coupon sa Cathedral Parish Office para sa contact tracing.
An mga dili makalugar pagsimba, pwede ra motan-aw sa live streaming sa Cathedral.
“Kon mosugot si Mayor na magmisa sa City Gym, pwede isab aron mas hamok an makasimba.”
Gisiguro isab sa kaparian na luwas an tanan sa pagkalawat tungod kay maghugas sa alima an pari gamit an alcohol. (RPN DXKS Surigao)
- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -