Walay puas nga nangita sa mga pamaagi ug tukmang lakang si konsehal Girlie Balaba aron maalibyohan ang epekto sa Covid 19 dinha sa kinabuhi sa katawhan.
Atol sa iyang programa sa kahanginan, ang konsehal nakakuha og suporta gikan ni Senador Bong Go kinsa mipasalig nga moabag sa paningkamot sa kagamhanan sa dakbayan dinha sa pakigbatok sa Covid-19.
Gitumbok sa senador ang pagtunol sa gikinahanglan sa katawhan sama sa hospitalization tungod kay kini usa man sa iyang tahas isip chairman sa komite sa panglawas sa Senado.
Gilantaw nga pinaagi sa mga gipatumang programa, mapalapdan pa ni konsehal Girlie ang serbisyo ngadto sa katawhan sama sa paghatag og mga hinabang, livelihood program ug uban pang pamaagi sa kapanginabuhian sa mga kabus sa dakbayan.
Niini, ang konsehal subling mihangyo sa katawhan nga batonan ang disiplina sa kaugalingon pinaagi sa pagtamod sa mga gisitar nga minimum health protocols sa IATF aron malikayan gayud nga matakbuyan sa sakit.
(Sangguniang Panlungsod – CdeO)
