Gipaniguro sa kadunalahan sa Southern Philippines Medical Center (SPMC) nga duna sila’y paigo nga suplay sa oxygen kung ugaling man dunay pag-saka sa ihap sa mga pasyente nga magkinahanglan niini.
Gipamahayag ni Dr. Ricardo Audan, ang hepe sa SPMC nga dunay duha ka planta sa oxygen ug duna usa’y unom ka generators ang maong balay tambalanan nga makahimo sa pag-prodyus ug mukabat sa 873 ka oxygen tanks matag adlaw.
Dugang ni Dr. Audan nga dunay duha ka mga kompanya ang mi-abaga sa panginahanglanon ug oxygen aron mapun-an ang mukabat sa 1,123 ka tangke sa oxygen nga kinahanglan matag adlaw sa maong ospital.
Samtang usa ka hyperbaric oxygen plant ang gikatakda nga paga-ablihan dinhi sa siyudad sa dabaw nga makahimo sa pag-produce ug mukabat sa 300 ka tonelada nga oxygen kada adlaw.
(Source: SPMC)