Sisimulan na ng Commission on Elections (COMELEC) ang source code review sa Setyembre bilang bahagi ng kanilang paghahanda para sa 2019 midterm elections.
Ito ay sa kabila ng mga pagtutol ng marami na muling gamitin ang vote counting machines na ginamit nuong 2016 national at local elections.
Ayon kay COMELEC Spokesman James Jimenez, gagawin ito ng mas maaga upang mabigyan ng sapat na panahon ang local source code review.
Bukod dito, magkakaroon din ng international code evaluation sa oras na matapos na ang bidding process sa magiging service provider.
Ang source code ay human-readable instruction na magdidikta sa gagawin ng automated election system.