Umabot nasurok a tallo gasut a burias ti imbunong ti gobierno lokal ti siudad ti Batac kadagiti recipient a naapektaran ti African Swine Fever itay kallabes.
Kuna ni Mayor Albert Chua a ti pig dispersal da ket nayon pay laeng nga assistance da kadagiti agtartaraken ti baboy nga apektado ti ASF.
Karaman a naibunong ket sanga sako nga starter feeds a pangrugian a pagpakan dagiti recipient.
Dibawat ti mayor a sayaaten da a taraknen dagitoy tapno makaabrot da met iti nagbalin a perdisyon da itay kallabes gapu iti ASF.
Maragsakan met dagiti recipient gapu ta dadakkel ken nalalapsat dagiti burias manipud iti napili a supplier. (Rod Sadian)
(Source: LGU Batac)