Davao City – Mipirma si Davao City Mayor Sebastian Duterte ug Sennan City Mayor Yamamoto Yuma sa Sister City Agreement tali Davao ug Sennan, sa Sennan City Hall, Sennan City, Osaka Prefecture, Japan.
Ang giingong Sister City Agreement nag-establisar sa Sister-City Relationship tali sa duha ka siyudad sa tumong sab nga mapromotar ang habig sa “Education, Cultural and Medical Welfare Exchange, Tourism, and Trade.”Ang delegasyon gikan sa Davao City gilangkuban sa nagkadaiyang government officials ug private sector sa pagpanguna ni Mayor Baste.
Kahinumduman nga ang Sennan mao ang ikaduhang Japanese city nga nahimong sister city sa Davao human ang Kitakyushu City sa Fukuoka Prefecture. (Camille Santos Naraga)
(Source: City Government of Davao)