Tagpirmahan na ni Pres. Rodrigo Duterte an taghimo ni Congressman Francisco Jose Bingo Matugas II na House Bill 6365 para mahimo na RA 11500 na balaod kahapon 5:00PM nan Nobyembre 16, 2020 na mag-upgrade sa Siargao District Hospital ngadto sa pagka LEVEL 2 hospital. Tawagon na ini na SIARGAO ISLAND MEDICAL CENTER.
Dako an pasalamat ni Congressman Bingo Matugas kan Senador Christopher Lawrence “Bong” Go sa ija dako na suporta sa ato balaod.
Gikan sa 25 beds na district hospital moabot na sa 100 beds an SIARGAO ISLAND MEDICAL CENTER. Mohamok na isab an mga doktor sanan nurses, mohamok na sab an mga medical equipment kay national na gobyerno an magdumaya.
Tagpalanog ni Congressman Matugas an mensahe gikan sa tanan SIARGAONON nga nagpasalamat kan Presidente Rodrigo Duterte sanan Senador Bong Go.
#SiargaoIslandMedicalCenter
#SiargaoLevel2Hospital
#protectsiargao
#BagtikMoSerbisyo
(Source: Cong Bingo Matugas Facebook page)