General Santos City – Balik na karong adlawa, adlawng Martes, Marso 30 ang regular session sa Sangguniang Panlungsod ning syudad human nga gipatuman ang pipila ka adlaw nga lockdown miaging semana.
Karong adlawa atol sa 70th Regular Session, adunay nakatagana nga privilege hour alang kang City Councilor Richard Atendido apan kini ang ipaabot sa konseho sa kaubanang konsehal nga si Councilor Odjoc Acharon human nga wala pa nakagawas sa hospital si Councilor Atendidto human kini nagpositibo sa Covid-19 miaging semana.
Kung Kahibaluan nga nagpatuman og 4 days lockdown ang SP, Tungod sa sunod-sunod nga pagpositibo sa coronavirus infection nilang Atendido ug city councilors Vandyke Congson ug John Salvador Demdam.
Samtang sa pikas bahin gisuspende na usab ni Gensan City Mayor Ronnel Rivera ang trabaho sa tanang mga LGU employees, ugmang adlawa adlawng Miyerkules, Marso 31, alang sa ipahigayong disinfection measures sa city hall ug uban pang mga government offices. Human nga sunod-sunod usab ang pagpositibo sa mga LGU employee ning syudad.
Sa gipagawas nga memorandum sa Office of the City Mayor, kanselado na ang trabaho sa mga mga concerned employees, apil na ang mga job order workers sa nasang pit nga adlaw.
Hinuon, basi usab sa maong memorandum, magpabilin ang regular nga trabaho ug serbisyo sa mga essential departments, sama sa Civil Security Unit, City Health Office, Terminal Administration, City Disaster Risk Reduction and Management Office ug uban pa.
Samtang deklarado na usab nga holiday ang Huwebes Santo (April 1) ug Biyernes Santo (April 2), gane lauman ang mas taas nga weekend holiday sa mga government workers. (John Rey Somido)