General Santos City – Malampuson gayud ang gihimong SERBISYO HENERAL sa LGU-Gensan kagahapong adlawa, Oktubre 12, 2023 nga gipahigaon sa Brgy. Olympog, General Santos City sa pagpanguna mismo ni Gensan City Mayor LORELIE PAQUIAO, kauban ang lain-laing Departmento sa City Hall.
Ang SERBISYO HENERAL, usa ka kalihokan nga nagtumong sa pagdala sa lain-laing mga serbisyo ngadto sa mga Barangay sa Gensan nga ginahimo 2 ka higayon sulod sa 1 ka buwan aron idu-ol ngadto sa katawhan ang lain-laing mga serbisyo gikan sa City Hall uban sa lain-laing mga Departamento sa City Hall, partners ug mga stakeholders.
Maoy usa sa mga nag-unang serbissyo atol sa maong Aktibidad ang MEDICAL MISSION nga naglangkob sa libreng check-up sa panlawas sa tawo, paghatag og libreng tambal, ingon man libreng serbisyo gikan sa lain-laing buhatan sa City Hall ug sa pipila ka nasudnong mga Ahensiya sa gobyerno nga gikinahanglang mabatnan sa mga baryohanon.
Subling matigayon ang laing hugna sa SERBISYO HENERAL liwas sa Barangay ug Sangguniang Kabataan Eleksiyon (BSKE) 2023. (Rey Ombana)