28.7 C
Manila
Monday, April 22, 2024

Senior High Student gipusil patay sa Laguindingan, Mis. Or.

- Advertisement -

Laguindingan, Misamis Oriental – Padayon karon nga giimbestigahan sa Laguindingan Municipal Police Station ang papamusil patay sa usa senior high school student sa Poblacion, Laguindingan, Misamis Oriental.

Biktima mao si Drenz Arion Paculba, 18-anyos, olitawo ug molupyo sa nasampit nga lungsod.

Base sa initil nga taho sa Laguindingan Municipal Police Station pinaagi ni Investigator on Case Police Chief Master Sergeant Mark Valles nga posibleng misukol ang biktima dihang gi-atangan kini sa duha ka wala mailang responsable nga nagtinguhang mangawat sa iyang motorsiklo.

Hinungdan nga napusilan kini sa ulo nga bahin gamit ang wala mapihong armas.
Gawas sa motorsiklo nga XRM lakip sa nawala sa possession sa biktima ang personal mobile phone. Calibre 45 usab nga bala ang nakita sa dapit apan dili tukma sa samad pinusilan sa biktima.

Ulahing nakauban ni Drenz ang mga higala atol sa bisperas sa kapistahan sa maong barangay una nahitabo ang krimen.
Samtang karong panahona, usa sa anggulo nga gilantaw sa kapulisan mao ang pagpangarnap sa motor.

 

News written by Cheleste Simene

Photo courtesy of Laguindingan Police Station

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -