Paimbistegar ni Sen. Imee Marcos iti agtultuloy a panagngato ti bilang iti child sex abuse iti online sipud nangrugi a naipatungpal ti lockdown kontra iti panagwaras ti COVID-19 Pandemic.
Iti inpila ni Sen. Marcos a senate resolution 487, paim-imbistigar na iti dumakdakkel a bilang iti kaso ti online iti child pornograpiya a nagtriple sipud idi bulan ti Marso agingga idi Mayo no ikumpara itay napan a tawen maibasar iti report ti Dept. of Justice ken Dept. of Social Welfare and Development.
Segun kenni Marcos, mabaybay-an ti telecommunications companies ken interne service providers iti annungen da iti baben ti linteg a protektaran dagiti ubbing kontra iti sexual a panagabuso baben iti internet.
Nagballaag ni Marcos a possible a dumegdeg pay ti situasion ken mabalin a magutigut pay dagiti nagannak a makapastrek iti online child pornographiya gapu iti kinarigat gubuay ti pandemic.
Maamak I Senadora Marcos a bayat nga agtalinaed ken saan a makaruar iti uneg ti pagtaengan dagiti ubbing, ad-adda pay a dumegdeg ti situasion a sexual abuse iti biang da.
(Rosita Cainggoy / RPN – DZRL Correspondent)
(Source: Provincial Government of Ilocos Norte)