Kiniddaw manen ni sen. Imee Marcos iti department of trade and industry a mangipatungpal manen ti “prize freeze” kadgiti kangrunaan a magatgatang tapnon malapdan iti pananggundaway dagiti negosyante iti panawen ti modified community quarantine wenno MECQ.
Segun ken ni marcos sigurado a gundawayan manen dagiti negosyante ti 15 nga aldaw a MECQ nga isubli ni pres. Rodrigo duterte ken mabalin nga ipangato da iti presyo dagiti kangrunaan a magatgatang iti merkado publiko.
Inlawlawag ni marcos a nasken a bantayan iti presyo ti karne ti manok, baboy, ikan, noodles, kandela bagas, tinapay, delata ken daduma pay a napateg a produkto a masansan a gatgatangen dagiti nakukurapay a consumers wenno magatgatang.
Kuna ni senadora marcos a kasapulan a mapagsardeng iti pananggundaway dagiti sumagmamano a negosiante ken ipabalud dagiti matiliwan nga agipangato iti presyo dagiti tagilako.
Immun-una ngem iti daytoy, indeklara ni Pres. Duterte nga isubli ti MECQ iti metro manila ken dadduma pay a kaparanget a probinsia iti 15 nga aldaw a mangrugi idi agusto 5 ken agleppas inton agusto 18 gapu iti agtultuloy a panagngato ti bilang iti kasp ti COVID-19.
Kabayatanna nagapela met ni Ilocos Norte Gov. Matthew Marcos Manotoc kadagiti kailian iti tulong ken kooperasyon tapno malabanan iti agraraira a sakit.
Kunana nga wan sabali nga agtinnulong no saan met laeng a dagiti pada nga ilokano iti panawen ti pandemiya wenno didigra.
Inyunay unayna iti agtultuloy a panangsurot dagiti health protocol tapno maliklikan iti pannaka apektar iti virus ti COVID-19. (Rosita Cainggoy, RPN DZRL Batac Correspondent)
(Source: Communication and Media Office Provincial Government of Ilocos Norte)