Davao de Oro – Hingpit nang matapos karong adlawa ang tulo ka adlaw nga selebrasyon sa “Online Bulawan 2020” sa Davao de Oro.
karong hapon ipahigayon ang “DdO Subasta for a Cause” ug atol niini opisyal nga ideklara ang mga mananaug sa nagkadaiyang items nga gidonar sa atong golden hearted nga mga donors.
Apil sa nag-unang mga kalihokan nga masaksihan sa tulo ka adlawng selebrasyon sa “Online Bulawan 2020” ang “DdO (Davao de Oro) Subasta for a Cause” nga ang 100% proceeds nga madawat gikan sa mga winning bidders gamiton sa probinsya pag-atiman sa mga frontline workers, sa mga public school beneficiaries, ug kang Shiela Estillory nga usa ka nine year old cancer patient sa lungsod sa New Bataan.
Niadtong lunes ang Day 1 sa “OnlineBulawan2020” diin nasaksihan ang makalingawng mga pasundayag atol sa atong Bulawan 2020 Opening nga gisundan sa “Life in DdO, sa “Bahandi: Webinar Talk” , ug sa makalingawng “Tiktokan sa Bulawan”.
Gihimo.usab ang nagkalain laing pasundayag sa ikaduhang adlaw ang Biz Icon, ang “Babayinihan” ug ang “Agri-Oro”.
Karong adlawa nga katapusang kasaulugan sa Online Bulawan Festival nga gisugdan sa Virtual Mass kaganihang buntag ug human niini, gipasidunggan gilayon ang mga Frontline workers. Gihimo usab karong adlawa ang “Green Day at Home” ug ang “Balik Tanaw”.
Samtang karong hapon ipahigayon ang “DdO Subasta for a Cause”, ug ang “Bulawan 2020 Closing Program”. Samtang karong gabii himuon usab ang “Bulawanong Musika” nga maoy magtapos sa tulo ka adlawng “Online Bulawan 2020” sa Probensiya sa Davao de Oro.
(Gilbert M. Cabahug, PAO ID Davao de Oro | OIC Michael Manguhig, RPN DXKT Davao)