33.8 C
Manila
Friday, March 29, 2024

Sekreto Nga Selda Nahimo Nang Bodega?

- Advertisement -

Cebu City – Wala na maabti sa mga imbestigador sa Commission on Human Rights o CHR 7 ang giingong sekretong selda sa police station sa Sawang Calero, Cebu City diin giingong gibutangan sa tulo ka babaye nga mipasangil nga giabusohan sa mga polis.

Gahapon sa buntag, ang duha sa tulo ka babaye uban sa taga CHR 7, mibisita sa police station.

Gitudlo pa sa duha ang dapit nga gibutangan kanila apan karon gihimo na kining bodega sa tangke sa LPG o liquefied petroleum gas ug ubang mga butang.

Mipasangil ang usa sa mga complainant nga tulo ka adlaw siyang gibilanggo sa mga polis nga way kasong gipasaka.

Gawas niini, giingong wa usab i-blotter ang pagdakop sa tulo ka babaye.

Ang chief investigator sa CHR 7 nga si Leo Villarino ang nangu sa pakisusi subay sa reklamo sa tulo ka babaye diin ang duha mi alegar nga gikilkilan samtang ang usa gida sa usa ka motel ug gilugos.

Nakita didto ang parte nga dunay lungag sa aircon apan gitabunan na.

anong butangan man ug aircon kung kini stockroom ni siya. So kwarto gyud diay ni siya. So it just shows nga tukma ang gisulti sa atong informant,” matod ni Villarino

Subay niini, 13 ka polis sa Sawang Calero ang nag-atubang og lainlaing reklamo sa Integrity Monitoring and Enforcement Group o IMEG 7 sa PRO 7.

Gani, 11 sa maong gidaghanon ang girelibohan ug gibalhin sa PRO 7 samtang nagpadayon ang imbestigasyon.  (Jhon Tadlip/JTY)

(News & photo courtesy of CHR-7)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -