Subling natay og sa mangilgig nga balita ang Isla sa Mindanao kagahapong adlawa human ang duha ka pagbusikad sa Julu Sulu nga gikamatay sa daghang kinabuhi ug pagkaangol sa mga Sundalo ug Sibilyan.
Tungod sa maong hitabo, gilayon nga nagpatuman ug mas gipahugtan nga seguridad sa mga entry ug exit point nganhi sa dakbayan sa Davao.
Sa pagsubay sa Radyo Ronda sa may Task Force Davao Checkpoint sa Barangay Lasang ning syudad, labihan ang kataas sa pila sa mga sakyanan nga pasulod sa syudad. Giusa usa ug hiling sa kasundaluhan ang mga motorsiklo ug mga sakyanang mosulod sa syudad. Bisan ang mga back pack sa mga motorista ug Ubox sa motorsiklo ang ginahiling pag ayo aron way makalusot nga mga dautang elemento sa syudad.
Kahinumduman nga makapilang higayon nasulod sa mga teroristang grupo dakbayan sa Davao nga naghimo sa pagpamomba nga mikalas usab sa daghang kinabuhi.
Kagahapong adlawa, gitay og sa sunod sunod nga pagsubikad ang Jolo, Sulu nga gikamatay gilayon sa 5 ka sundalo ug 4 ka sibilyan sa unang pagbusikad alas 11:53 sa buntag. Pagka ala una sa hapon, usa ka babaeng Suicide Bomber ang kalit na lamang nga mibusikad kilid sa usa ka bangko sa lugar nga gikamatay usab sa usa ka sundalo.
Sumala pa ni Lt. Col. Ronald Mateo ang Civil Military Relations Officer sa 11th Infantry Division Philippine Army nga nahitabo ang pagbusikad sa Barangay Walled Jolo, Sulu nga gawas sa mga nangamatay ubay ubay usab ang kretikal nga gipangdala sa duol nga mga tambalanan.
Sa pagsuwat ning balita pasado alas 9 kagabii, miabot na sa 15 ang kompermadong namatay samtang 75 ang samaran sa duha ka mga pagbusikad. Hangtud karon nagpadayon ang gihimong imbistigasyon sa awtoridad sa ugat hinungdan ug tumong sa mangilngig nga pagpamomba.
(CMRO-11th ID/ Michael Manguhig)