Sa session kahapon sa Siargao nan mga Board Members na tagpanguyohan ni Board Member Constantino B. Navarro IV, tag repeal na nila an section 100 sa Provincial Revenue Code.
Gipasalamatan isab ni Congressman Bingo Matugas an desisyon nan mga bokal kay sa niagi na mga buyan, nisuod sa opisina niya an pipila ka mga stakeholders nan Isla nan Siargao sama sa DPWH, an mga simbahan, an mga eskuylahan, an mga negosyante sanan mga ordinaryo na residente.
Nihangyo sanan nagpatabang sila na unta ma-repeal o mawaya na an amo na probisyon nan ordinansa kay ini nagdaya nan kalisod sa pag-procure nan aggregates sanan nagpamahal karajaw nan presyo nan aggregates para sa konstruksyon nan mga imprastraktura sanan kabayajan na amoy kinahanglan para sa pagbangon nan mga katawhan human an Bagyong Odette.
“Salamat karajaw sanan congratulations sa ato mga bagtk na Board Members, led by our Senior Board Member Bully Navarro! Salamat mga Board sa ijo pagpamati sa boses dili ra nan mga Siargaonon, kundi tanan mga Surigaonon,” sumala pa ni Cong. Matugas.