Gipahigayon an Second Quarter Nationwide Simultaneous Earthquake Drill sa Brgy. Wangke, Claver, SDN.
Gusto sa Claver Local Government Unit nga testingan an abilidad kon uno ka andam an kada barangay sa kalamidad.
An training gipangunahan sa Municipal Disaster Risk Reduction and Management Office iban sa kooperasyon sa Provincial Disaster Risk Reduction and Management Office ug an Barangay Risk Reduction and Management Council.
Nagpasalamat si Brgy. Kapitan Richel Forcadilla nga napili an ilang lugar nga magpahigayon nan training. Ini alang sa pagpangandam sa ilang komunidad sa bisan uno nga kalamidad hilabi na sa linog.
Nagpasalamat isab sija sa suporta sa komunidad nga miapil sa pag bansay para madungagan an ilang kahibayo ug paghimo nan sakto nga duck, cover and hold position.
An tumong ug tujo sa Second Quarter Nationwide Simultaneous Earthquake Drill amo an pagpalambo sa response sa komunidad sa kalit nga linog ug iban pang kalamidad. (Mark James Lisondra)