Sec.Lorenzana sa ngayon wala pang opisyal na pahayag sa isyu sa Recto Bank

Kinumpirma ni Defense Sec. Delfin Lorenzana na ipinatatawag sa Malacañang si Chinese Ambassador Zhao Jianhua.

Ito ay upang pagpaliwanagin si Zhao sa nangyaring insidente sa Recto Bank kung saan binangga ng Chinese Vessel ang bangka ng mga filipinong mangingisda.

Ayon kay Lorenzana, sa ngayon kasi ay wala pang opisyal na pahayag na nakukuha ang Pilipinas mula sa China.

Kaugnay nito, tiwala naman si Lorenzana na malaki ang maitutulong ng pakikipag-ugnayan ni Zhao sa isinasagawang imbestigasyon ng mga otoridad hinggil sa nangyaring insidente.