Cagayan De Oro City – Ang National Covid-19 Inter Agency Task Force mibasol sa geographic location, kakulangan sa isolation units, huyang nga contract tracing ug kakulangan sa testing centers ang mga hinungdan sa pagtaas sa kaso sa Covid-19 cases sa Iligan City.
Sa usa ka press conference sa syudad sa Cagayan de Oro gisuginlan ni National Inter- Agency Task Force Chief Implementor Secretary Carlito Galvez nga ang Iligan City, melting pot alang sa mga byahedor gikan sa Bangsamoro Region in Muslim Mindanao ug sa uban pang bahin sa Amihang Mindanao.
Matud ni Galvez, nagkulang ang Iligan City sa isolation units nga moquarentina sa mga pasyente nga natakbuyan sa coronavirus. Sa pikas bahin sa Iligan City Mayor Celso Regencia naghangyo kang Cagayan de Oro Mayor Oscar Moreno kon mahimo ba silang moabang sa hotels dinhi sa syudad aron puy-an sa mga returning residents nga mahidangat sa Laguindingan airport.
Si Secretary Galvez nahidangat sa syudad sa Cagayan de Oro sa miaging adlaw uban ni Baguio Mayor Benjamin Magalong nga maoymotrain sa mga PNP personnel ug Barangay Health Emergency Response Teams (Bherts) kabahin na sa contact tracing. Matud pa ni Galvez, ang contact tracing usa sa mga kahuyangon sa Iligan anti-Covid 19 campaign nga angay mahatagan sa pagtagad.
Giexplain usab sa maong kalihim ngano nga gisalikway nila ang hangyo sa Iligan nga mapailawom sa Enhanced Community Quarantine o ECQ. Matud niya, gawas kon dunay igong pundo ang syudad pagpalit sa pagkaon mao nga dili angayan magpatuman kini sa ECQ. Inay, dugang pa ni Galvez, ipatuman ang limitadong lockdown diha sa mga purok o barangay ba kaha kon diin nagagikan ang pasyente nga dunay infection.
Gidayeg ni Sec Galvez ang mga syudad sa Cagayan de Oro ug Davao gna mga ehemplo sa pagpatuman sa limited lockdown sa mga purok o barangay. (City Information Office)
