Dakong pasalamat ni Schools Division Superintendent Romelito Flores sa Lokal nga gobyerno sa syudad sa Gensan tungod sa gihatag nga suporta niini ilabina sa pagpahigayon ug modular learning system karong panahona tungod sa nagpadayong pandemya sa Covid 19.
Matud pa niini sa exclusive interview sa RPN DXDX Gensan kaganinang buntag nga ang paghatag ug RISO machines nga gigamit sa printing sa mga modules ang dako kayo ug gikatabang tungod dakong hagit kini sa Dep-ed Gensan sa gikonsedirang libu-libung mga estudyanteng elementarya ug Highschool sa syudad.
Gawas pa sa maong riso machines gipasalamatan usab ni Flores ang gipanghatag sa syudad nga mga gadgets kon cellphones nga nagamit sa mga magtutudlo ilabina sa ilang pag kontakanay sa mga estudyante ug mga ginikanan alang sa pag follow ilabina ang pagkuha ug paghatud sa mga modules para sa mga estudyante.
Lakip nga gipasalamatan ni Flores ang Sangguniang Panlungsod sa pagpanguna ni City Vice-Mayor Atty. Loreto Acharon tungod sa mga gipasang resolution sa pag aprobar sa budget ug uban pang panginahanglan sa maong departamento sa edukasyon .
Samtang wala pa sila nagpahigayon ug assessment ug evaluation karon kabahin sa modular or distance learning tungod wala pa nahuman ang covid 19 pandemic . hinuon dawat usab niini nga negatibo ang panglantaw sa ubang mga ginikanan ilabina sa gipatumang modular learning apan wala silay mahimo ug naningkamot lamang nga dili maputol ang pagtuon sa kabataan bisan pa man sa pandemya karong panahona. (Roniel Degorio – RPN-DXDX Gensan)