MALAMPUSONG gitapos ang Iskolar sa Dakbayan Leadership Academy (ISLA) kon scholarship academy sa mga city scholars nga gipahigayon sa Capitol University Multipurpose Hall, ning siyudad.
Atol sa pagtapos, gipasidunggan ang mga outstanding projects diin Best Booth ang The Project Panaad: Panaad sa Kinaiyahan; samtang Outstanding Project Proposals ang Projects: Diutay’ng Alampat: Future Artists, Indigenous Hearts, Iskolars Edukbata Drive 3.0, Lakbay Teknolohiya, Project Bilang ug The Project Panaad: Panaad sa Kinaiyahan.
Best Presenter usab si Glyza Mae Apus ug Marvin Alinggom sa Lakbay Teknolohiya sa Cluster H samtang Most Outstanding Delegate si Mike John Paul Caña.
Misalmot sa kalihokan sila si City Administrator Atty. Roy Hilario Raagas kinsa mirepresentar ni Mayor Klarex Uy, Committee on Education Chairperson City Councilor Suzette Magtajas-Daba, partner offices sa City Education and Development Department – City Scholarships Office, scholar volunteers ug uban pa.
Mokabat sa 9 ka cluster gikan sa nagkadaiyang barangay ang misalmot sa ISLA ning tuig.
Ang ISLA inisyatiba sa City Education and Development Department – City Scholarships Office nga milungtad sa walo ka semana.
Nasayrang tumong niini ang madasig ang community engagement sa mga scholar leaders alang sa paghatag og bili sa ilang mismong mga barangay.