Sa paningkamot nga mas mapalambo ang kaluwasan ug kasiguruhan sa Central Visayas, ang Police Regional Office 7 (PRO-7) nakahimo ug dagkong kalampusan sulod sa niaging semana.
Sugod Disyembre 1 hangtod Disyembre 7, 2024, ang operasyon sa PRO-7 niresulta sa pagkasikop sa 393 ka mga indibidwal nga nakalapas sa lain-laing balaod ug sa pagkasakmit sa iligal nga drogas nga nagkantidad og kapin sa PHP 15.6 milyon.
Sa maong panahon, 118 ka mga suspetsado sa drogas ang nadakpan ug nakumpiska ang 2,294.11 ka gramos nga iligal nga drugas nga nagkantidad og P 15,599,948.00.
Nasakmit usab sa mga otoridad ang 12 ka armas ug lain-laing bala. Ang operasyon nisangpot usab sa pagdakop sa pito ka mga indibidwal ilalom sa Republic Act 10591, nga nakatabang sa pagpakunhod sa risgo sa mga insidente nga may kalabotan sa armas.
Dugang pa, 135 ka mga tawo ang gidakop tungod sa pag-apil sa iligal nga sugal diin ang PHP 13,633 nga kwarta gikan sa pustahanay nakumpiska.
Ang PRO-7 nipahibalo usab nga 133 ka wanted nga mga tawo ang nadakpan, lakip na ang 24 nga giila nga most wanted.
Importante usab nga mahibal-an nga adunay dakong pagkunhod sa mga kaso sa index crimes, gikan sa 78 sa maong panahon sa niaging tuig ngadto sa 43 karon nga tuig, nga nagrepresentar og 44.87% nga pagkunhod.
“With our intensified crime prevention efforts and increased police presence, Central Visayas continues to experience a generally peaceful, orderly, and progressive environment, thanks to the support of the community,” pamahayag ni PBGen Roy Parena, Officer-in-Charge of PRO7.
“With the intensified crime prevention efforts and increased police presence, Central Visayas continues to enjoy a generally peaceful, orderly, and progressive region with the support of the community,” dugang ni PBGen Roy Parena, Officer-In-Charge, PRO7. (Renante Socia Lada)
(Source: PRO-7 PIO)