29.5 C
Manila
Friday, March 29, 2024

Sarangani Province Pormal Gipailalum Sa General Community Quarantine, Dili Kini Lockdown Apan Gipahugtan Pa Ang Mga Lakang Batok Coronavirus

- Advertisement -

Gipailalum na sa General Community Quarantine ang tibuok probinsya sa Sarangani isip panagana sa bahad sa makalilisang nga Coronavirus. Dili kini pagpatuman og lockdown apan gipakusgan pa sa lokal nga gobyerno sa Sarangani sa pagpanguna ni Governor Steve Chiongbian Solon ang mga preventive measure aron kapugngan ang pagsulod sa COVID-19.

Ilalum sa general community quarantine, dungan nga magpatuman og curfew ang pito (7) ka lungsod sa Sarangani Province gikan alas nuybe sa gabii (9pm) hangtud na sa alas singko sa buntag (5am). Dili na tugutan ang mga non-essential travel pasulod ug gawas sa Sarangani kadtong mga byahe nga dili importante karong panahuna sa katuyuan nga makalayo sa tapok-tapok sa tao.

Ang tugutan lang mao ang pagbyahe gumikan gikinahanglan sa trabaho, paghatag og serbisyo sa maayong panglawas, pag-responde sa emerhensya, pagpalit og mga essential goods/panginahanglanon, ug kadtong may kalambigitan sa pagmintina sa kahapsay ug kalinaw. Mu-fill up lang og locator slip o travel history form ug mag-obserba og social distancing usa (1) ka metro ang distansya inig sakay sa sakyanan.

Kadtong ginatawag nga highly-vulnerable sector: ang mga senior citizen, mabdos nga mga kababaihan, menor de edad ug mga kabataan edad dise-syete (17) anyos paubos, ug kadtong may balatian sama sa hypertension/highblood, diabetes, renal disease, cancer ug sakit sa respiratory, ang hugot nga gipahimangnuan nga magpabilin na lang sa mga panimalay ug dili na maglatagaw.

Samtang, matag upat (4) ka adlaw magpahigayon tibuok Sarangani og disinfection drive sa mga mataong lugar, hilabi na sa mga barangay nga daghan ang PUM ug PUI, gamit ang chemical solution nga Benzalkonium chloride sa pag-disinfect nga mulungtad sa tulo (3) ka adlaw ang epekto batok makamatay nga virus.

Sa pikas nga bahin, gitagaan og dis-kresyon ni Governor Solon ang mga mayor sa Sarangani Province nga magmugna og alternative work arrangement subay sa guidelines sa Civil Service Commission, kung magbilin og skeletal force sa mga opisina ug ang work-from-home arrangement sa ubang mga empleyado sa LGU.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -