29 C
Manila
Saturday, April 20, 2024

Sangguniang Panlalawigan nawad-an usab ug pagsalig ug kumpyansa ni GM Laput

- Advertisement -

Mipasar karon ug resolution ang Sangguniang Panlalawigan sa Zamboanga del Norte nga nawad-an na sila ug pagsalig sa General Manager sa Zamboanga del Norte Electric Cooperative (ZANECO) nga si Mr. Adelmo Laput.

Kini ang gipasupot ni Board Member Ruth Brillantes sa tersero distrito atul sa ilang regular session niining tuiga.

Sa privilege speech nga gipabati ni Board Member Brillantes, kini ang namahayag nga iya nang nabati ang nabati karon sa mga konsumante sa dili maayong pagdumala sa  ZANECO kinsa si General Manager Laput  arogante ngadto kanila, sa public servant, konsumante ug ingon man mayoriya sa Board of Directors ang wala na naka-angay sa iyang pagdumala.

Gipamahayag usab ni Board Member Brillantes nga sa iyang tulo ka termino isip bokal sa tersero distrito, iyang nadawat ug nasubay ang mga taho nga si Mr. Laput ang matud pa migamit sa tanang resources sa electric cooperative aron maseguro ang kadaugan sa iyang matud pa  political patrons apan nangapilde kini sa miaging piniliay.

Dugang pa ni Board Member Brillantes sa iyang privilege speech nga ang ZANECO gitukod  kini aron sa paghatag ug kuryente sa area coverage niini, ug dili makighilambigit sa politika.

Gipabati usab sa maong bokal nga bisan kapila gi-imbitar si Laput alang na sa committee ug public hearing sa Sangguniang Panlalawigan apan wala kini sukad mitambong, hinunua mipadala kini sa iyang mga kawani nga wala nakatubag sa daghanang issue.

Ang pagka-arogante ug pagbalewala ni Laput sa mga bokal nagpakita kini sa iyang walay respeto kanila dugang pa ni Board Member Brillantes.

Gipadayag usab ni Board Member Brillantes nga ang CAPEX  ang Capital Expenditure nga makita sa electric bill ang ginakolekta na kini sa maong kooperatiba sukad pa kaniadtong tuig 2010.

Kini matud pa sa ZANECO pagagamiton kini alang sa mga proyekto aron hapsay ang operasyon sa maong kooperatiba.

Niini, gikwestyon sa maong bokal nga sa pagkubra niini matag bulan gikan sa 2010, unsa nga mga proyekto ang napadapatan niini.

Dugang pa ni Board Member Brillantes nga iyang nahinumduman duha ka tuig ang nakalabay, adunay gipatawag nga committee hearing ang Sangguniang Panlalawigan aron sa pagpasabot sa CAPEX apan gibalewala kini ni Mr. Laput ug gipadala lamang niini ang iyang Finance Manager UG Corporate Planning Officer.

Ug ang Finance Manager misaad kini nga mohatag sa lista sa tanang kantidad sa proytekto nga gipunduhan sa CAPEX apan hangtud karon wala gihapon kini nakahatag.

Sa maong hitabo, ang ZANECO Board of Directors mipasar kini ug resolution nga deklarar nga nawad-an sila ug pagsalig ug kumoyansa ni Mr. Laput.

Kini mao usab ang gipasar nga resolution sa Sanggniang Panlalawigan nga gipasupot ni Board Member Brillantes.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -