Sa padayong giatubang karon sa krisis sa COVID-19, gihatagan ug otoridad ug pagtugot si Governor Roberto Uy sa Sangguniang Panlalawigan alang sa pagpirma sa Memorandum of Agreement sa ngalan sa kagamhanang probinsyal tali na sa Zamboanga City Medical Center nga gi-representahan ni Dr. Afdal Kunting, MPH, ang Medical Center Chief II.
Kini alang sa pagpadala sa tanang specimen nga nakolekta gikan sa mga pasyente ngadto sa Zamboanga City Medical Center atul unya sa pag-operate sa Molecular (Covid-19) Testing Laboratory sa PAIC, Irasan lungsod sa Roxas pinaagi sa Zamboanga del Norte Medical Center kung makasinati saw ala damha nga panghitabo sama sa pagkaguba sa makina ug adunay kadaut gumikan sa kalamidad ug uban pa.
Si Third District Board Member Ruth Brillantes, kinsa mao usay Chairperson sa Committee on Health sa Sangguniang Panlalawigan ang miduso sa maong resolusyon atul sa ilang regular session karong semanaha.
Ilawum sa maong kasabutan, ang pagpadala sa specimen sa COVID-19 testing base sa Memorandum Number 2020-0294 sa Department of Health pinetsahan Hunyo 16 tuig 2020 o ang Revised Interim Guidelines on the Zoning of COVID-19 Testing Laboratories.
Kalambigit niini, gipamahayag ni Dr. Esmeralda Nadela nga pasado na sa Stage 4 proficiency test ang maong laboratory, ug gihulat na lamang ang License to Operate gikan sa Department of Health.
Sa laing kalambuan, gihatagan usab ug pagtugot ug gahum sa Sangguniang Panlalawigan si Governor Roberto Uy pagpirma sa Deed of Donation and Acceptance ug sa Memorandum of Agreement sa ngalan sa probinsya alang sa 2 units portable X-ray gikan sa DOH nga gi-representahan ni Dr. Mario Villaverde, Undersecretary of Health and Health System Enhancement alang sa Zamboanga del Norte Medical Center.
Kini subay usab sa kapasidad Ni Dr. Villaverde isip Project Director SA Asian Development Bank-funded project nga “Health System Enhancement to Address and Limit (HEAL) COVID-19.
Ang maong lakang pinaagi usab sa resolution nga giduso ni 3rd District Board Member Brillantes.
(Provincial Information Center-mbmontederamos)