Salceda humirit ng tax paying extension sa BIR

Humirit si House Committee on Ways and Means Chairman Joey Salceda sa Bureau of Internal Revenue (BIR) na magbigay ng extension sa mga taxpayers na hindi makakapagbayad ng buwis dahil sa COVID-19.

Pinaalala ni Salceda na bagama’t nasa batas na ang pagbabayad ng buwis ay sa April 15, mayroon naman umanong exceptions gaya na lamang ng sitwasyon ngayon.

Sinabi ni Salceda na maaari namang palawigin ang deadline o i-waive ang penalties at iba pang surcharges para sa mga mahuhuling magbayad ng kanilang buwis.

Kasabay nito iminungkahi ni Salceda ang electronic filing at payment system sa BIR para maiwasan ang face to face interactions.