Cebu City- Padayon na arong giimbestigar as kapolisan ang kamatayon sa usa ka manindahay og taho nga gipusil sa brgy. Cogon-Pardo, Cebu City gahapon sa buntag.
Ang gipatay nailhang si Pejay Mabaga, 31, lumad sa Sta. Ana, Manila.
Si M/Sgt. Julieto Elarcosa sa presinto sa Pardo miingon nga ilaha pang gisubay kinsay responsable sa krimen.
Matod ni Elarcosa, nagbuy-od na nilang hiabtan si Mabaga sa sityo Little Hawaii, brgy. Cogon-Pardo nga naligo sa kaugalingong dugo.
Sumala pa ni Elarcosa, wala silay nakitang ID o ubang dokumento gawas sa sudlanan sa taho nga diha sa iyang tungod hinungdang wa dayon nila mailhi si Mabaga.
Midugang si Elarcosa nga posibleng na-aan si Mabaga nga usa kapolice asset ilabi na kay ang maong dapit naila man sa pagkatap sa illegal drugs.
Gitug-an sa polis nga nadawat nila ang alarma sa pagpamusil nianang alas 9 sa buntag.
Ang mga imbestigador nakakuha sa dapit-nahitaboan og duha ka kabhang sa bala sa .45 kalibreng pistola.