Radio Philippines Network
Image default
DYKC Cebu News Provincial News

Cebu City Government Mihatag Og P50 Mil Nga Hinabang Sa Pamilya Sa Gipatayng Polis

Cebu City- Mihatag og P50 mil nga hinabang ang kagamhanan sa dakbayan sa Sugbo ngadto sa pamilya sa gipatayng polis nga si M/Sgt. Maximo Macua, Jr.

Napatay si Macua atol sa buy bust operation sa San Roque, Tabada, Mambaling, Cebu City niadtong Martes sa gabii.

Mismo si Mayor Edgardo Labella ang personal nga mitunol sa ayuda ngadto sa banay sa polis atol sa iyang pagbisita sa haya niini sa St. Peter Chapel sa dalan Imus, Lorega-San Miguel kagahapon.

Gikaatubang ni Labella ang kapikas ni  Macua nga si  Eva Krystel ug iyang mga ginikanan.

Matod pa sa mayor, luoy kaayo ang pamilya kay mga bata pa kaayo ang ilang mga anak.

Gisultihan usab sa pamilya si Labella nga si Macua adto ilubong sa Loon, Bohol.

Gidayeg ug gipahalipayan ni Labella ang Cebu City Police Office sa pagsikop sa siyam ka suspetsado sa pagpatay sa polis.

Kon mahinumdoman, duha sa mga suspek ang napatay sa kapolisan sa engkuwentro pipila ka oras gikan sa kamatayon ni Sgt. Macua.

Pero matod ni Labella, kinahanglang makit-an ang nahibiling mga suspetsado aron mahatagan og hustisya ang kamatayon ni Macua.

Related posts

ORO, DOE Mipahigayon Sa Inspection Sa Mga Gas Stations

RPN

Traffic Police Officer Arrested For Extortion In Zamboanga City

RPN

KAs Rebu Bonifacio Nagpagawas Nan Statement Sa Kamatayon Ni PSSg. Restie Dandan

RPN

This website uses cookies to improve your experience. We'll assume you're ok with this, but you can opt-out if you wish. Accept Read More