Sarangani Province – Gilusad karon sa buhatan ni Sarangani Congressman Ruel Pacquiao ang programang gitawag nga Ronda Probinsya.
Kini usa ka program sa buhatan ni Cong. Ruel alang sa pokus nga maka- pagpangpang-apod-apud sa mga proyekto sa probinsya sa Sarangani ilabi na sa natad sa edukasyon, infrastraktura, kalinaw sa probinsya, maayong panlawas, og uban pa.
Gani karong umaabot nga adlawng Biyernes gikatakdang makigtagbo ang representante sa Sarangani ngadto sa mga former rebels nga mibalik sa sabakan sa gobyerno, ipahigayon sa may Maasim, Sarangani Province.
Kini ang gitawag nga Ronda Probinsya alang sa Kalinaw, kon diin manghatag og hinabang si Congressman Pacquiao og ayuda sa Peoples Organizations nga anaa sa kabukiran nga bahin sa Maasim.
Giimbitahan usab ni Sarangani Congressman Ruel Pacquiao ang mga national agencies aron sa ingon may katambayayong aron nga ma-sustain ang kahapsay og kalinaw ang mga lugar sa kabukiran sa probinsya sa Sarangani.
(Sarangani PIO)