Mismo gipangunahan ni House deputy speaker congressman Ruel Pacquiao ang turnover ceremony sa upat ka MPB project kauban ang DPWH DE nga si engineer Jonathan Bantug kauban si Sarangani Governor Steve Chiongbian Solon ug Malungon Mayor Atty. Tessa Constantino ug uban pang mga opisyal sa maong lungsod. ang upat ka barangay nga midawat sa maong mga proyekto mao ang Barangay JP Laurel, Kawayan, Upper Mainit ug Barangay San Miguel.
Gikanayon ni Congressman Ruel Pacquiao nga halos tanang barangay ang adunay resolution or hangyo alang sa pagpatukod ug bag-ong MPB apan dili dungan nga mahatagan sa maong proyekto tungod sa limitasyon sa pundo gikan sa national nga pangkagamhanan apan gipangitaan kini ug pamaagi. Gidugang pa niini nga halos 12 billion ang kantidad sa mga proyekto ang iyang nabitbit alang sa pito ka lungsod sa Sarangani sa dihang nahimu kining representante sa lone district.
Gidayeg usab kini ni Governor Steve Chiongbian Solon ang kakugihan ni Cong. Ruel sa pag sungkit ug pundo alang sa proyektong imprastraktura sa Sarangani. matud pa ni Governor Solon nga target niining muabot ug 70 percent sa mga provincial roads sa Sarangani ilabina farm to market roads ang mapasemento aron mapasayon ang pagpakanaug sa mga produktong agrikultura sa mga mag-uuma.
Nagpasalamat usab si Mayor Tessa Constantino kang Congressman Ruel Pacquiao ug Governor Solon sa pagtinabangay alang sa kalambuan . lakip nga gipasalamatan si senador Manny Pacquiao ug ang God centered governance and God centered prosperity.
Gidayeg ni Cong. Pacquiao ug Governor Solon ang katawhan ug mga opisyal sa Barangay JP Laurel tungod nagpabilin kining covid 19 free sukad pagsugod sa pandemya hangtud karon. Malamposon usab ang gipahigayon nga ground breaking ceremony sa road concreting project nga mokonekta sa Barangay upper Mainit, Malungon padulong sa Sta. Maria Davao Occidental. (Ronel Degorio)