Sarangani Province – Subli na usab nga miarangkada ang serbisyo Caravan ni Sarangani representative deputy speaker congressman Rogelio Ruel Pacquiao ilalom sa flagship program niining Ronda Probinsya.
Kagahapong adlawa mismo ang kongresista ang nanguna sa maong serbisyo caravan sa bukirang bahin sa munisipyo sa Malapatan partikular na sa brgy. Kinam sa maong munisipyo, kauban niini si Malapatan Municipal mayor Salway Sumbo Jr., Gov. Steve Chionbian Solon ug Vice Governor Dr. Elmer De Peralta.
Kauban sa maong Serbisyo Caravan ang mga nagkadaiyang ahensya sa gobyerno sama PhilHealth, SSS, LTO, NSO, PAO, DOLE, TESDA, ug BFAR. Gituyo matud pa kini sa maong opisyal tungod sa rason nga ang ubang mga katawhang luman sa maong brgy. Ang maglisod sa pagkanaog sa munisipyo aron i-process ang ilang mga panginahanglanong papeles.
Gawas sa maong mga serbisyo, mihatag usab ug mga kagamitan sa 3 ka peoples organization, ang buhatan sa kongresista ngadto na sa 3 ka mga peoples organization nga mao ang Kalon Kastabang Famers Association gikan sa Sitio Kalon, Kinam Tribal Farmers Association ug United Kinam Highlands Farmers Association.
Samtang mihatag usab ang kongresista ug tag- usa ka libo sa kapin kon kulang 40 ka mga myembro sa Bagani Warriors. Mihatag usab ang kongresista ug mga food packs ngadtu na sa mga katawhan sa maong barangay. Lakip na niini ang anaa sa 300 ka pares sa mga tsinelas.
Samtang gi turn over usab niini ang bag-ong nahuman nga barangay hall (MPB) nga nagkantidad ug 8 Milyones ka-pesos, Gymnasium (MPB) nga nagkantidad usab 3 Milyones ka-pesos. Samtang laing MPB usab nga Gymnasium sa Kinam Elementary School nga nagkantidad ug 3 Million ka pesos. Ug ang two story building sa Kinam National High School nga nagkantidad ug 16 million ka pesos.
Samtang nagtaga usab ug anaa sa kapin 40 milyones ka pesos nga budget ang buhatan sa kongresista alang sa pagpasemento sa dalan gikan sa brgy. Daan Suyan paingon ngadtu na sa brgy. Kinam municipyo sa Malalapatan.
Nagmalampuson ang maong nga proyekto tungod na usab sa pag paningkamot sa kongresista nga makahakot ug pundo gikan sa national aron ibubo niini sa mga munisipyo sa probinsya ilabi na sa maong munisipyo pinaage sa flagship program niini nga Ronda Probinsya alang sa imprastraktura.
Nakigpulong usab ang Kongresista ngadto na sa mga lider sa tribung B’laan o Indigenous People Pinaage sa Kasfala Dialogue kung asa gipresenta ang mga various Upland Rice Variety.
Kini nga programa ang ilalum usab sa flagship program niini nga Ronda Probinsya Alang sa Kalinaw. Kahibaloan nga sa pipila ka tuig niini nga nahimong Representante sa maong distrito anaa na sa kapi kon kulang 12 Billion pesos ang nabubo niini nga proyekto sa maong probinsya.
Tungod niini dako ang nahimong pagpasalamat ni Malapatan municipal mayor Salway Sumbo Jr. ug brgy. Kinam Kapitan Ruben Sumbo, Sa mga proyekto nga nabubo ni congressman Pacquiao sa maong munisipyo.
